കൃഷിയറിവുകള്‍
- ഉണങ്ങിയ നെല്‍വിത്തിനെ മാമ്പൂ കാണിക്കണം . വിഷു കഴിഞ്ഞ് ഒരു രാത്രി വിത്ത് മഞ്ഞത്ത് വിരിച്ച് ഇടണം എന്നര്‍ത്ഥം .
- ഉണക്കച്ചെമ്മീന്‍ വറുത്തു പൊടിച്ചു സിമന്റുമായി കൂട്ടിക്കലര്‍ത്തി വരമ്പില്‍ പലയിടത്തായി വച്ചാല്‍ എലിയെ കൊല്ലാം.
- ഉമി ചേര്‍ത്ത് ഉഴുതാല്‍ നെല്ലിനു നല്ല വേരോട്ടം കിട്ടും .തണ്ടിന് ബലവും വയ്ക്കും .
- എരുക്ക് ,മാവ് ,കശുമാവ് എന്നിവയുടെ ഇലകള്‍ പാടത്ത് അടിവളമായി ഉഴുതു ചേര്‍ത്താല്‍ കീടശല്യം കുറയും .
- കതിര്‍ നിരന്നാല്‍ വരമ്പത്ത് ചൂട്ട് കത്തിച്ചു നിര്‍ത്തുക .ചാഴികള്‍ വന്നു വെന്തുചാവും .
- വേപ്പെണ്ണയും മണ്ണെണ്ണയും സമം ചേര്‍ത്ത് തളിച്ചാല്‍ തെങ്ങിന്റെ കീടങ്ങളെ തടയാം .
- മച്ചിങ്ങ കൊഴിയുന്നത് തടയാന്‍ ചുവട്ടില്‍ നാല് കിലോ ഉപ്പിട്ട് വെള്ളം ഒഴിച്ചാല്‍ മതി .
- തെങ്ങിന്‍ തടത്തിനു ചുറ്റും വാഴ നട്ടാല്‍ തെങ്ങ് തഴച്ചു വളരും .
- തെങ്ങ് നടുമ്പോള്‍ കുഴിയില്‍ ഒരു കൂവ കൂടി നട്ടാല്‍ വേര്തീനി പുഴുക്കളെ തടയാം .
- പത്രക്കടലാസ്സുകൊണ്ട് വാഴക്കുല പൊതിഞ്ഞാല്‍ കായ്കള്‍ക്ക് നല്ല നിറം കിട്ടും .
- കഞ്ഞിവെള്ളം ചുവട്ടില്‍ ഒഴിച്ചാല്‍ കായ്കള്‍ക്ക് വലിപ്പം കിട്ടും .
- കുലയുടെ നേര്‍ചുവട്ടിലെയും എതിര്വഷത്തെയും കന്നുകള്‍ നട്ടാല്‍ വലിയ കുലകള്‍ കിട്ടും .
- സുഷിരമിട്ട മന്കുടത്ത്തില്‍ വെള്ളവും വളവും ചേര്‍ത്ത് നിറച്ചു വാഴച്ച്ചുവട്ടില്‍ വച്ചാല്‍ തുള്ളികളായി വാഴയ്ക്ക് വെള്ളം കിട്ടിക്കൊള്ളും .
- കുറുനാമ്പുള്ള വാഴ പകുതി വെച്ചു മുറിച്ചു ഗോമൂത്രം ഒഴിക്കുക .
- വീടിനു ചുറ്റും കുരുമുളക് വളര്‍ത്തിയാല്‍ ജലദോഷം വരില്ല
- മുരിങ്ങ കായ്ക്കാന്‍ വരണ്ട കാലാവസ്ഥയാണ് നല്ലത് . ചെറു ചൂടുവെള്ളം ചുവട്ടില്‍ ഒഴിച്ചാല്‍ മുരിങ്ങ കയ്ക്കും .
- പച്ചക്കറിവിത്ത് 12 മണിക്കൂര്‍ വെള്ളത്തില്‍ കുതിര്‍ത്ത ശേഷം പാകുക, മുളക്കു നല്ല കരുത്തു കിട്ടും .
- കഞ്ഞിവെള്ളത്തില്‍ ചാരം കലക്കി തളിച്ചാല്‍ പയറിനും മുളകിനും നല്ലതാണ്.
No comments :
Post a Comment